Væntanlegt í bíó

Hinn ungi stærðfræðisnillingur David hefur helgað líf sitt því að læra prímtölur. En þegar hann kynnist fjarskyldum frænda sínum, Joachim, verður breyting á forgangsatriðum í lífi hans. Fundur þeirra hefur mikil áhrif á báða og vekur upp langar samræður um skipan heimsins og tilgang lífsins.

Við fylgjumst með Abel sem kemst að því að móðir hans er í þann mund að fara giftast fanga sem er að losna úr fangelsi. Hann tekur því vægast sagt illa og reynir allt til þess að afstýra sambandinu. Þangað til að hann hittir nýja stjúpföður sinn. Þá breytist allt …

Mitt í framtíðarstríði á milli mannkyns og gervigreindar, er Joshua, grjótharður fyrrum sérsveitarmaður sem syrgir eiginkonu sína, ráðinn til að elta uppi og drepa Skaparann (e. Creator), arkitekt hinnar háþróuðu gervigreindar sem skapað hefur dularfullt vopn sem getur bundið endi á stríðið og mannkynið sömuleiðis.

Töfraloftsteinn fellur til jarðar í Ævintýraborg og gefur Hvolpasveitinni ofurkrafta. Fyrir Skye, yngsta meðlim sveitarinnar, eru kraftarnir draumur sem rætist. En hlutirnir taka óvænta stefnu þegar Humdinger sleppur úr fangelsi og gengur til liðs við brjálaðan vísindamann sem vill stela ofurkröftunum. Nú eru örlög Ævintýraborgar í höndum Hvolpasveitarinnar sem þarf að stöðva óþokkana áður en það verður um seinan.

Myndin fjallar um bóndann Gunnar sem er tilneyddur að flytja til borgarinnar þegar ríkið tekur jörð hans yfir til virkjunarframkvæmda. Kynni af blaðburðardrengnum Ara umbreytir lífi þeirra beggja.

Æsispennandi hasar - spennumynd sem fjallar um tilfinningalegt ferðalag manns sem vill leiðrétta ranglæti í samfélaginu og gera upp hluti úr fortíðinni. Drifkrafturinn er hefnd og að efna loforð sem hann gaf mörgum árum áður.

Framhald The Exorcist frá árinu 1973 sem fjallaði um 12 ára stúlku sem var andsetin af djöfullegum krafti, sem knúði móður hennar til að leita hjálpar hjá tveimur prestum. Hér er það faðir andsetins barns sem leitar hjálpar hjá móðurinni.

Dularfullt bílslys umbreytir lífi Macieks. Eiginkona hans Janina deyr í slysinu. Líklegast var hún að fremja sjálfsmorð. En Maciek veit ekki af hverju slysið átti sér stað nálægt Mragowo, þar sem Janina hafði sagst ætla að fara í vinnuferð til Krakow. Gerði hún mistök? Eða var hún að segja ósatt? Getur verið að Maciek hafi ekki þekkt eiginkonu sína nema að litlu leiti?

Við fylgjumst með Helenu sem vinnur hjá kvikmyndaframleiðslufyrirtæki. Eftir andlát móður hennar breytist lífið og hún fer að eyða meiri tíma í sjálfa sig, fer út að dansa og skemmta sér.

Við fylgjumst með ungri sveitastúlku sem giftist ríkum manni sem er mikið eldri en hún. Stórmynd, þar sem hver rammi er handmálaður, saga sem byggð er bók sem hlaut Nóbelsverðlaunin.

Segir frá ringulreiðinni á verðbréfamarkaðnum á Wall Street eftir að hlutabréf verslunarfyrirtækisins GameStop tóku stökk vegna Reddit pósta. Í miðpunkti sögunnar er hinn ofurvenjulegi Keith Gill sem byrjar að eyða öllum sparnaði sínum í bréfin og birta færslur um það á Reddit samfélagsmiðlinum. Þegar færslur hans fara að fá mikinn lestur, verður sannkölluð sprenging í hans lífi og allra í kringum hann. Þegar hlutabréfaráð eins og þetta nær slíkum hæðum verða allir ríkir, þar til milljarðamæringur ákveður að berjast á móti og heimur allra snýst við á örskotsstundu.

John Kramer er á leið til Mexíkó þar sem hann vonast eftir að fá að taka þátt í nýrri en áhættusamri krabbameinsmeðferð sem lofar góðu. Þegar þangað er komið áttar hann sig á að hann hefur verið plataður og er fórnarlamb netsvika. Nú hefur hann fundið nýjan tilgang. Þessi alræmdi fjöldamorðingi tekur aftur til starfa og hefnir sín á svikahröppunum með því að leggja fyrir þá útsmognar og hugvitsamlega snarklikkaðar þrautir.

Ung stúlka dvelur hjá ömmu sinni og afa í borginni á meðan hún þreytir inntökupróf í listhóp. Þegar fjölskyldan, sem hefur ekki hist í langan tíma, kemur saman til að fagna inntöku hennar í hópinn koma ljót fjölskylduleyndarmál upp á yfirborðið og kvöldið endar með hræðilegum harmleik.

Tvær einmana sálir mætast fyrir tilviljun eina örlagaríka nótt í Helsinki. Mun þetta verða fyrsta ástin í lífi beggja?

Þegar olía finnst á þriðja áratug tuttugustu aldarinnar í Oklohoma í Bandaríkjunum í landi Osaga þjóðarinnar, þá er Osaga fólkið myrt eitt af öðru á dularfullan hátt þar til alríkislögreglan FBI, þar á meðal forstjóri stofnunarinnar J. Edgar Hoover, kemur til skjalanna til að leysa gátuna.

Mason Petit er fyrrum þjóðvarðliði en nú fjölskyldumaður og lífið er alls ekki eins spennandi og eitt sinn var. Hættulegir leiðangrar heyra nú sögunni til. Hann sinnir leiðinlegum lögmannsstörfum og hjónabandið er í andaslitrunum. Allt þetta breytist þegar fyrrum félagi úr hernum býður honum nýtt starf, að vera öryggisvörður hinnar margverðlaunuðu og hugdjörfu blaðakonu Claire Wellington, sem er nýbúin að landa einkaviðtali við alræmdan og sérvitran suður-amerískan einræðisherra, Venegas. Petit grípur tækifærið fegins hendi og hoppar upp í flugvél. Þegar hann lendir á áfangastað er ljóst að hann hefur farið úr öskunni í eldinn. Hann blandast í blóðuga valdaránstilraun og þarf nú að vinna náið með Wellington og hinum siðferðilega vafasama Venegas til að sleppa lifandi úr landinu.

Myndin segir frá Orin sem er 69 ára, við hestaheilsu og býr í litlu afskekktu þorpi í Japan á 19. öld. Þar er lífsbaráttan hörð og fólkið örvæntingarfullt og grimmt. Hefð er fyrir því að þegar fólk nær stjötíu ára aldri er farið með það til fjalla til að deyja úr hungri í einsemd. Orin verður vitni að því þegar nágranni hennar er dreginn nauðugur til fjalla og ákveður að verða sjálf ekki þessháttar byrði. Hún eyðir því síðasta árinu í að undirbúa brottför og stærsta verkefnið er að finna hentuga konu fyrir son sinn.

Við fylgjumst með rannsóknarlögreglumanni sem getur ekki hætt að hugsa um morðið á Clöru – hvað gerðist eiginlega þetta kvöld?

Poppy kemst að því að Branch var einu sinni í strákabandinu BroZone, ásamt bræðrum sínum Floyd, John Dory, Spruce og Clay. En þegar Floyd er rænt þá fara Branch og Poppy af stað til að finna Floyd og sameina bræðurna.

Mike Schmidt, sem er nýbyrjaður sem næturvörður á matstofu bæjarins, Freddy Fazbar´s Pizza, kemst að því á sinni fyrstu vakt að nóttin á ekki eftir að verða jafn auðveld og hann hélt. Svo virðist sem leikmunirnir á staðnum séu ekki bara vélmenni. Þeir eru lifandi. Mun honum takast að lifa af fyrstu fimm vaktirnar?

Átta ár eru liðin síðan hið goðsagnakennda Qivittoq réðist á sex ungmenni í kvikmyndinni Qaqqat Alanngui. Tuuma er leiðsögumaður í Nuuk á Grænlandi og fer með ferðamenn í útsýnissiglingar. Á einni slíkri siglingu spyrja ferðamennirnir hvort þau geti farið á staðinn þar sem ráðist var á ungmennin og þá breytist allt ...

Dramatísk mynd sem segir söguna af því þegar sjómaðurinn Alfreð er staddur á miðju Atlantshafi þegar Síðari heimsstyrjöldin brýst út. Þá vandast málin því skipverjar hans eru óvopnaðir ....

Eftir að úkraínsk barnfóstran deyr skyndilega, fer einmana faðir með dóttur sína Misku og vinkonuna Lenu í ferðalag á jeppanum sem leiðir þau til Úkraínu, heimalands Lenu. Mun þríeykið höndla flutning á frosnum fiski, smygl á líki og því að eiga ekki heimili?

Veröld hinnar 16 ára Eveliinu hrynur í einni svipan þegar hún kemst að því að móðir hennar heldur við konu. Hún gerir allt sem hún getur til að stöðva ástarsamband þeirra svo að foreldrar hennar nái aftur saman.

Þegar tilveru íranska glímumannsins Imans er umturnað flýr hann til Svíþjóðar með fjölskyldu sína. Ógnvekjandi leyndarmál ólgar undir yfirborðinu sem getur sundrað fjölskyldunni og þvingað Iman til að horfast í augu við fortíð sína.

Við erum stödd í Dönsku Vestur- Indíum og árið er 1948. Vinkonurnar Anna og Petrína eiga ólíkt líf. Önnur er frjáls en hin er ambátt. En þegar orðrómur um uppreisn fer á kreik breytist allt ...

Við erum stödd í Túnis. Olfa á fjórar dætur. Einn daginn hverfa tvær þeirra – en til að fylla inn í skarðið mætir kvikmyndagerðarkonan Kaouther Ben Hania með leikkonur til að endurlifa söguna.

Carol Danvers, eða Captain Marvel, hefur endurheimt stöðu sína frá Kree einræðisvaldinu og hefnt sín á Supreme Intelligence. En afleiðingar af því eru að Carol ber nú ábyrgð á alheimi í ójafnvægi. Þegar hún þarf að sinna verkefni sem snýr að afbrigðilegum ormagöngum og tengjast Kree uppreisnarhópi, blandast ofurkraftar hennar við Kamala Khan, öðru nafni Ms. Marvel, og frænku Carol, S.A.B.E.R. geimfarann Captain Monica Rambeau. Saman verður þrenningin að vinna að því að bjarga alheiminum.

Fortíðin lumar á ýmsum sögum. Tveir afbrotamenn komu til að afplána refsingu sína og tóku að sér að rækta óræktað land. Afkomendur þeirra þurfa að takast á við landið eftir þeirra dag. Berfætt kona kemur til sögunnar þar sem hún yrkir landið og laufblað eitt kemur henni á óvart.

Myndin segir frá hinum 18 ára gamla Coriolanus Snow, mörgum árum áður en hann varð einræðisherra Panem. Hinn ungi Snow er myndarlegur og heillandi og þó að lífið hafi verið erfitt hjá Snow fjölskyldunni, þá sér hann möguleika á breytingum þegar hann er valinn til að vera leiðbeinandi fyrir tíundu Hungurleikana. Lærisveinn hans er stúlkan Lucy Gray Baird úr hinu fátæka tólfta hverfi.

Eftir að uppreisn á Svarta föstudeginum endar á hörmulegan hátt, þá herjar dularfullur morðingi sem sækir innblástur í Þakkargjörðarhátíðina, á íbúa Plymouth, Massachusetts - sem er fæðingarbær hins alræmda frídags.

Finnsk, dramatísk kvikmynd eftir Teuvo Tulio sem segir frá Riitu, dóttur gamaldags og strangs föður sem er vitavörður í afskekktri sveit. Riita hittir ríkan skipbrotsmann sem heillast af henni og hún ákveður að strjúka með honum til stórborgarinnar. En í staðinn fyrir glæsilegt stórborgarlíf stendur hún eftir svikin og niðurlægð og neyðist til að stunda vændi til að eiga í sig og á, þangað til hún kynnist listamanni sem segist elska hana.

Heimildarmynd þar sem fylgst er með konum sem endurheimta styrk sinn í saunaböðum. Þær tengjast nánum böndum, deila reynslu sinni og leyndarmálum sem áhorfandinn fær að taka þátt í.

Hér segir frá hinni ungu Asha sem óskar sér og fær beinskeittara svar en hana hafði órað fyrir þegar óþekk stjarna kemur til hennar beint af himnum ofan.

Mynd um Napóleon Bonaparte Frakkakeisara og leið hans til valda, séð í gegnum sjónarhorn viðkvæms sambands hans og eiginkonunnar og einu sönnu ástar, Josephine.

Miðaldra par ákveður að opna hjónaband sitt eftir að upp kemst um framhjáhald eiginmannsins.

Mótorhjólaklúbbur í miðvesturríkjum Bandaríkjanna á sjöunda áratug tuttugustu aldarinnar þróast á verri veg sem ógnar einstökum lífsstíl hópsins fram að því.

Lappneska stúlkan Laila, einkadóttir hreindýrahirðis, bjargar orrustuflugmanni Nasista sem hrapað hafði í flugvél sinni í Seinni heimsstyrjöldinni. Þau fella hugi saman og fara til borgarinnar þar sem nútíminn fer um þau ómildum höndum og við tekur tímabil niðurlægingar.

Jólin eru að koma og það er ys og þys á Jólamarkaðinum í bænum. Mariann sér sætan bangsa í efstu hillunni í tombólubásnum. Er hann lifandi? Mariann verður að eignast hann en bangsi hefur aðrar hugmyndir. Hann vill komast í eigu ríkrar fjölskyldu sem getur kennt honum allt um heiminn.

Hinn ungi Willy Wonka leggur af stað í þá vegferð að breiða út gleði í gegnum súkkulaði, og slær fljótlega í gegn.

Black Manta, sem mistókst að sigra Aquaman í fyrstu atrennu, er enn ákafur í að hefna föður síns, og mun ekki hætta fyrr en Aquaman er allur. Black Manta er óárennilegri en nokkru sinni fyrr og hefur öðlast krafta hins goðsagnakennda svarta þríforks, sem leysir úr læðingi ævaforna og illa orku. Til að sigra í þessari baráttu snýr Aquaman sér til bróður síns Orm, fyrrum konungs Atlantis, og biður um aðstoð. Saman þurfa þeir að setja eigin ágreiningsmál til hliðar til að vernda konungsríkið og bjarga fjölskyldu Aquaman og heiminum öllum frá gereyðingu.

Andafjölskylda reynir að sannfæra ofverndandi föðurinn um að fara í besta sumarfrí allra tíma.

Sagan af hinu hræðilega lélega fótboltaliði Bandarísku Samóaeyja sem þekkt varð fyrir 31-0 tap gegn Ástralíu árið 2001. Nú er undankeppni fyrir heimsmeistaramótið 2014 á næsta leiti og nýr þjálfari er ráðinn til að hífa gengi liðsins upp.

Myndin gerist sumarið 1957. Fyrrum kappakstursmaður, Ferrari, er í vanda. Gjaldþrot vofir yfir fyrirtækinu sem hann og kona hans byggðu upp úr engu tíu árum áður. Stormasamt hjónaband þeirra stendur á brauðfótum á sama tíma og þau syrgja son sinn. Ferrari ákveður að taka áhættu og fara í einn kappakstur enn, eitt þúsund mílna leið yfir Ítalíu þvera og endilanga, hinn goðsagnakennda Mille Miglia.

Tveir erkióvinir síðan úr menntaskóla hittast á ný mörgum árum eftir útskrift og þykjast vera elskendur, af persónulegum ástæðum.

Myndin fjallar um konu sem er að synda í sundlauginni heima hjá sér þegar illur andi hrellir hana.

Mynd um líf og störf reggí tónlistarmannsins Bob Marley.

Lítt færsæll Jerúsalembúi tekur misráðna ákvörðun um að reyna að græða á vaxandi vinsældum Jesú Krists. Hugmyndin leiðir hann í mikla innri trúarleit og inn á óvænta braut.

Söngleikjaútgáfa af skáldsögu Alice Walker um lífshlaup konu af afrísk amerískum ættum í suðurríkjum Bandaríkjanna snemma á tuttugustu öldinni.

Bella Baxter er vakin aftur til lífsins af hinum bráðsnjalla en óhefðbundna vísindamanni Dr. Godwin Baxter. Hungruð í að kynnaset heiminum betur þá strýkur hún með lögfræðingnum Duncan Wedderburn og lendir í ýmsum ævintýrum.

Ungfrú Novak gengur til liðs við starfsfólk alþjóðlegs heimavistarskóla til að kenna meðvitaða matarhegðun og hvetur nemendur sína til þess að borða minna.

Besti njósnari í heimi, Argylle, lendir í ævintýri sem teygir sig um allan heim.

Kvöld eitt er handritshöfundurinn Adam heima hjá sér þar sem hann býr í hálftómri blokk í Lundúnum nútímans og hittir dularfullan nágranna sinn Harry, sem breytir tilveru hans. Adam og Harry verða sífellt nánari og dag einn fer Adam á æskuheimili sitt og kemst að því að löngu dánir foreldrar hans búa þar bæði og líta út eins og þau gerðu daginn sem þau dóu fyrir 30 árum síðan.

Lily telur sig hafa fundið hina einu sönnu ást með Ryle, en þegar erfitt atvik vekur upp gamalt áfall, þarf hún að finna með sjálfri sér hvort ástin ein dugi til að láta hjónabandið lifa. En hlutirnir flækjast þegar gamall kærasti kemur til sögunnar.

Í þessari framhaldsmynd af Dune verður sagt frá ferðum Paul Atreides ásamt Chani og Fremen á plánetunni Arrakis, og hefndum gegn þeim sem lögðu á ráðin um árásina og drápið á Atreides fjölskyldunni. Paul stendur frammi fyrir erfiðu vali á milli draumaprinsessunnar og örlögum alheimsins. Markmiðið er að koma í veg fyrir hræðilega framtíð sem hann einn veit hver verður.

Þrír tennisleikarar, sem þekktust þegar þau voru ung, taka þátt í tenniskeppni á stóra sviðinu. Samkeppnin er hörð bæði innan vallar og utan og gamlir árekstrar og misklíð koma aftur upp á yfirborðið.

Harold er ungur drengur sem fer í töfrandi ferðalag með hjálp fjólublás vaxlitar.

Rússneski innflytjandinn Sergei Kravinoff vill sanna að hann sé besti veiðimaður í heimi. Hann leitar að ástinni í nýjum raunveruleikaþætti "Who's Kraven A Piece?"

Myndin fjallar um Arnór, ungan mann sem hlotið hefur erfitt hlutskipti í lífinu með alkóhólískan föður og móður sem berst við geðrænan sjúkdóm. Er hann reynir að finna sjálfan sig leiðist hann út í fíkniefnaneyslu og kynnist misjöfnu fólki sem leiða hann í ógöngur. Hann endar á því að selja fíkniefni. Líf hans flækist svo enn meira þegar hann lendir í ástarþríhyrningi milli fíkniefnalögreglu og – sala.