Á leigunum

Magnús er rauður högni sem kann að bjarga sér á strætum borgarinnar. Hann setur upp fjárplógsstarfsemi í félagi við hóp af talandi rottum. Þegar Magnús og nagdýrin hitta bókaorminn Malicia þá fer litla svindlstarfsemin þeirra öll út um þúfur.

Líf Marie umturnast þegar ástin í lífi hennar, Rasmus, fær vinnu sem kennari í skóla í Velling. Marie fylgir Rasmus með trega og á meðan Rasmus smellur inn í bæjarlífið, verður Marie fyrir menningaráfalli. Með tímanum lærir hún að hlusta meira og tala minna og áttar sig á að mögulega þarf hún jafn mikið á Velling að halda og Velling þarf á henni að halda.

Hér er fjallað um allar hliðar á lífi "Weird Al" Yankovic, allt frá því að hann skaust upp á stjörnuhimininn með smellum eins og "Eat It" og "Like a Surgeon" að ástríðufullum samböndum hans og úrkynjuðum lífsstíl. Hér er farið með áhorfendum í ótrúlegt ferðalag í gegnum líf og feril listamannsins, sem var hæfileikarík barnastjarna og endaði sem ein mesta "goðsögn" tónlistarsögunnar.

Eftir slæman skilnað verður líf Lindu flókið. Fyrrverandi maðurinn hennar hefur kynnst fallegri fyrirsætu sem verður hægt og rólega meiri móðurímynd fyrir 10 ára dóttir Lindu ásamt því sem þau gera upp húsið saman. Besta vinkona Lindu er meira að segja orðin besta vinkona hennar.

Geimfari brotlendir á dularfullri plánetu og kemst að því að hann er ekki einn. Nú þarf hann, ásamt þeim eina sem lifði af ásamt honum, Koa, og einum möguleika á björgun, að ferðast yfir ókunn landsvæði þar sem stórhættulegar forsögulegar skepnur berjast um yfirráðin.

Fyrrum lögreglumaður frá New York sem orðinn er lögreglustjóri í litlum bæ í Georgíu, þarf að ráða niðurlögum þjófagengis sem tekið hefur auðugan lækni í gíslingu.

Eftir að móðir hennar týnist í fríi í Kólumbíu, ásamt nýja kærastanum, leitar dóttir hennar June að henni heiman að frá sér, í Los Angeles. Í leitina notar hún þau tól og tæki sem netið býður upp á og vonast til að finna móður sína áður en það verður um seinan. Leitin leiðir í ljós fleiri spurningar en svör ... og þegar June kemst að leyndarmálum um mömmuna, sér June að hún þekkti móður sína í raun ekki neitt.

Myndin er morðgáta sem gerist í hárgreiðslukeppni. Óhóf og bruðl spila saman þegar dauðinn gerir sig heimankominn í veröld þar sem ástríðan fyrir hári nálgast þráhyggju.

Hópur löggæslumanna í hámarks öryggisfangelsi þarf að berjast fyrir lífi sínu gegn Hatchet, bráðsnjöllum og alræmdum fanga. Þegar hann sleppur úr haldi hefur dularfullt og stórhættulegt ráðabrugg hans yfirgripsmiklar og ógnþrungnar afleiðingar.

Raðmorðingjarnir Johnny og Clyde eru brjálæðislega ástfangin og á endalausri glæpavegferð. Alana er sjálfsörugg og útsmoginn eigandi spilavítis sem veltir milljónum dala á ári hverju. Johnny og Clyde ákveða að setja saman skrautlegt glæpagengi til að ráðast inn í spilavítið og fremja rán aldarinnar. Til allrar óhamingju fyrir Johnny og Clyde og gengi þeirra býr Alana yfir stórhættulegu vopni - hinni hræðilegu drápsmaskínu Bakwas.

Í matarboði í Vesturbænum ákveða sjö vinir að fara í stórhættulegan samkvæmisleik. Viðstaddir leggja símana á borðið og fallast á að öll símtöl og skilaboð sem berast verði deilt með samkomunni til að sanna að ekkert þeirra hafi nokkuð að fela.

Líf Peter með nýju eiginkonunni Beth og ungu barni þeirra fer allt á annan endann þegar fyrrverandi eiginkona hans Kate birtist með unglingsson þeirra, Nicholas.

Örkina hans Nóa rekur úti á opnu úthafinu og um borð eru aldavinirnir Finny og Leah. En eftir að hafa ekki séð til lands í margar vikur þá eru matarbirgðir bráðum á þrotum. Friðurinn á milli kjötætanna og grasbítanna gæti brostið á hverri sekúndu. Eftir nokkur óhöpp detta þau útbyrðis ásamt síðustu matarbitunum. Leah og Jelly eru föst á eyðieyju. Finny vaknar í skrýtinni nýlendu þar sem undarlegar verur búa saman í sátt og samlyndi í nágrenni við ógnandi eldfjall! Nú hefst mikið kapphlaup við tímann og Finny þarf að bjarga vinum sínum, sameina fjölskylduna og bjarga nýlendunni frá algjörri eyðileggingu.

Myndin fjallar um Sophie og ferðalag sem hún fór í með föður sínum fyrir tuttugu árum síðan, þar sem minningar og tilfinningar spila aðalhlutverkið í sambandi þeirra feðgina.

Élise hélt að hún ætti fullkomið líf: Frábæran kærasta og upprennandi feril sem ballettdansari. En allt breytist þegar hún kemst að því að kærastinn heldur framhjá henni og hún meiðist í sýningu, sem þýðir að hún getur líklega aldrei dansað á ný. Bataferlið leiðir hana frá París til Brittany þar sem vinir hennar, nýr kærasti og frelsi nútímadansins, hjálpar henni að kynnast föður sínum á ný og sjálfri sér.

Þegar múmínsnáðinn er stunginn af vespu og þarf að vera í rúminu vill múmínpabbi hressa hann við með ævintýralegum sögum úr æsku sinni. Hann segir frá því hvernig hann var misskilinn sem ungur múmínsnáði, þegar hann flýði af munaðarleysingjahæli og frá sögulegum kynnum af uppfinningamanninum Hodgkins. Þá segir hann frá hressilegri siglingu á bátnum Oshun Oxtra, hvernig hann vingaðist við draug og bjargaði múmínmömmu úr sjávarháska.

Ung móðir sem býr með átta ára dóttur sinni er á tímamótum þar sem hún þarf að sinna föður sínum sem er með taugahrörnunarsjúkdóm. Hún er í miðjum klíðum að reyna koma honum á hjúkrunarheimili þegar hún rekst á vin sinn sem hún hefur samband við, en hann er þó fyrir í öðru sambandi.

Fúllyndur maður á eftirlaunum vingast óvænt við fjörugan nýjan nágranna sinn. Hinn önugi Otto hefur gefist upp á lífinu eftir að eiginkonan dó og vill að þessu ljúki helst öllu sem fyrst. Þegar ung fjölskylda flytur í næsta hús, hjón með tvær fjörugar stelpur, þá leiðir það til ólíklegs vinskapar sem mun breyta öllu.

Fúllyndur maður á eftirlaunum vingast óvænt við fjörugan nýjan nágranna sinn. Hinn önugi Otto hefur gefist upp á lífinu eftir að eiginkonan dó og vill að þessu ljúki helst öllu sem fyrst. Þegar ung fjölskylda flytur í næsta hús, hjón með tvær fjörugar stelpur, þá leiðir það til ólíklegs vinskapar sem mun breyta öllu.

Í Bay City seint á fjórða áratug tuttugustu aldarinnar er hinn fremur ólánssami rannsóknarlögreglumaður Philip Marlowe ráðinn til að finna fyrrum ástmann fagurrar ljósku sem kemur á hans fund. Málið reynist aðeins vera brot af mun stærri ráðgátu.