The Big Hit 1998
Frumsýnd: 17. júlí 1998
Hit Happens
Í myndinni er fylgst með starfi og einkamálum leigumorðingjans Mels Smiley sem þrátt fyrir starf sitt er hið mesta ljúfmenni sem lætur alla traðka á sér. Hann er trúlofaður og á auk þess ástkonu, en báðar konurnar eru fyrst og fremst með honum peninganna vegna. Félagar hans nota hvert tækifæri sem gefst til að stríða Mel auk þess sem þeir notfæra sér... Lesa meira
Í myndinni er fylgst með starfi og einkamálum leigumorðingjans Mels Smiley sem þrátt fyrir starf sitt er hið mesta ljúfmenni sem lætur alla traðka á sér. Hann er trúlofaður og á auk þess ástkonu, en báðar konurnar eru fyrst og fremst með honum peninganna vegna. Félagar hans nota hvert tækifæri sem gefst til að stríða Mel auk þess sem þeir notfæra sér hann til hins ýtrasta, heimta t.d. oft bónusgreiðslur fyrir drápsverkefni sem Mel hefur sjálfur leyst af hendi. En fyrst reynir fyrir alvöru á vinskap þeirra félaganna þegar þeir Cisco, Crunch og Vince ræna guðdóttur atvinnurekanda síns, Paris. Þessu komast þeir þó ekki að fyrr en miklu síðar og ákveður Cisco þá að skella skuldinni á Mel. Hann hefur hins vegar um ýmislegt annað að hugsa en mislukkað mannrán því hann er að fara að hitta tengdafólk sitt í fyrsta skipti, auk þess sem hann er að laga fyrsta kjúklingaréttinn sem hann hefur matreitt og þar að auki þarf hann að sinna ýmsum málum í sambandi við væntanlegt brúðkaup sitt. Allt þetta verður til að flækja málin verulega og fá áhorfendur að fylgjast með lygilegum og hasarfengnum ævintýrum Mels.... minna
Aðalleikarar
Leikstjórn
Handrit
Svipaðar myndir
Gagnrýni (3)
Skemmtileg og fyndin mynd með ágætis leikurum og hasar sem er á borð við bestu myndir. En myndin er svo ólíkleg og hver gæti hugsað sér leynimorðingja sem er trúlofaður með kærustu og fellur svo fyrir Japanskri stúlku sem hann rænir með vinum sem svíkja hann ahha ég get ekki sagt meira en samt er myndin fín.
Þessi mynd kom mér skemmtilega á óvart ég bjóst eki við neinu sérstöku en þetta reyndist vera þrælskemmtileg mynd sem ég mæli eindregið með.
Myndin er vel leikinn og frábær svartur húmor og spennandi.
Rosalega sérstök blanda af hasar, stunt atriðum og offbeat húmor. Þegar ég reyni að hugsa mér einhverja mynd sem líkist þessari dettur mér ekkert í hug. Myndin fjallar um nokkra leigumorðingja og hvernig þeir lenda í vandræðum með hálfmisheppnað mannrán. Þessi mynd gengur miklu betur upp sem grínmynd heldur en hasarmynd en þannig er hún líka hugsuð. Leikararnir standa sig allir vel og söguþráðurinn sem slíkur er líka góður. Fín skemmtun.
Helgi Páll Helgason