The Life of David Gale (2003)

Ég bjóst ekki við að þessi mynd yrði svona góð mynd.

Vafalaust ein besta mynd sem ég hef séð. En Kevin Spacey er í miklu uppáhaldi hjá mér.Enda hefur hann bara leikið í góðum myndun t.d. American Beauty, Usual suspects, LA Confidential og margar fleiri snildar myndum sem ég hef séð. Mæli með þessari þokkalega í botn. Þetta er svona mynd sem allir verða að sjá...

Ég var að horfa á þessa mynd áðan og verð að segja að mér finnst hún koma merkilega á óvart, ég bjóst ekki við miklu.

ég ætla ekki að segja um hvað myndinn fjallar þar sem það er þegar búið að segja frá henni hér að ofan.

en mér finnst leikur Kevin Spacey og Kate Winslet vera mjög góður. hún er spennandi þessi mynd og já og lokinn koma mjög á óvart við fyrstu sýn en þegar maður pælir í því eftir á þá átti maður að vita þetta en ég segi ekki meir

mæli eindregið með henni ef þú vilt sjá mynd þar sem maður þarf aðeins að pæla í hlutunum

ég gef henni 3 og hálfa stjörnu fyrir góðan leik hjá þeim Kevin Spacey og Kate Winslet og fyrir spennunna og svo fyrir handritið.....Vonandi njótið bara vel

Góða skemmtun

The Life Of David Gale er hádramatískur spennutryllir sem heldur manni heljargripum allann tímann. Prófessor í háskóla að nafni David Gale(Kevin Spacey,The Usual Suspects,American Beauty,Seven) er kærður fyrir morð á kollega sínum en það þykir óvenjulegt því að hann er talsmaður hóp sem heitir Deathwatch en hópurinn er einmitt á móti dauðadómum en hann er einmitt að fara undir dauðadóm eftir nokkra daga. Blaðamaður (Laura Linney) og aðstoðarmaður hennar taka viðtal við hann og þau ætla að reyna að sanna að hann framdi ekki morðið en þau hafa bara nokkra daga. Myndin er sorgleg og mjög spennandi og í leiðinni áhugaverð og til að bæta við það er hún ótrúlega vel leikin á sama tíma.

Þessi mynd mæti flokka sem ein af þeim gömlu góðu með alvöru plotti á bakvið sem kemur skemmtilega á óvart. Leikarinn Kevin Spacey leikur kennara í háskóla og talsmaður hreyfingar sem gengur fyirir að hætt sé að lífláta fólk fyrir glæpi. En dag einn fer allt í klúður og endar hann sjálfur að bíða eftir þess að vera líflátinn. Kallar hann á Kate winslet sem leikur blaðakonu og biður hana að komast að sannleiknum. Leika báðir leikararnir stjörnuleik í þessari mynd. Þetta er frábær mynd sem mér finnst að enginn ætti að missa af!

Ég var í Minneapolis núna um helgina og notaði tækifærið til að kíkja á þessa. Myndin fjallar um kennara að nafni David Gale (leikinn af Kevin Spacey) sem býður þess að vera líflátinn í fangelsi fyrir morð og nauðgun. Þegar þrír dagar eru eftir í aftökuna boðar hann ungan rannsóknarblaðamann, eða blaðakonu réttara sagt (leikin af Kate Winslet) á sinn fund og segir henni sögu sína. Þrátt fyrir að sekt hans virðist liggja ljós fyrir koma í ljós atriði sem varpa efasemdum á sekt Gale's og áður en langt líður er blaðakonan flækt inn í samsæri og hefur aðeins örfáa daga til að komast að botni málsins. Kevin Spacey er góður í sínu hlutverki, en það verður að segjast eins og er að þetta er líklega minnst bitastæðasta hlutverk sem hann hefur leikið - það segir reyndar meira um gæði mynda sem hann hefur áður leikið í en um þessa mynd. Persóna Winslet fór pínulítið í taugarnar á mér en það er ekki hægt að setja mikið út á leikframmistöðu hennar fyrir því. Á heildina litið er söguþráðurinn nokkuð snjall, en það koma fyrir augnablik þar sem myndin missir dampinn. Það má segja að þetta sé pólitísk mynd að ákveðnu leiti því hún fjallar að stórum hluta um dauðarefsingu, þó án þess að predika mikið. Það er samt alveg ljóst hverrar skoðunar handritshöfundur er um þetta málefni og það litar dálítið út frá sér. Þeir gallar sem myndin hefur eru nokkuð minniháttar og hún er í raun aðeins hársbreidd frá því að fá þrjár stjörnur frá mér. Ástæðan fyrir því að stjörnugjöfin er ekki hærri er kannski að ég hafði miklar væntingar til myndar þar sem Kevin Spacey er í aðalhlutverki, og ekki tókst alveg að uppfylla þær.