Fyrsta Terminator myndin hefst árið 2029 þegar vélarnar hafa tekið völdin og mannfólkið á í vök að verjast. Í Los Angeles borg er (titil) vélmenni (ð) sent til ársins 1984 til að koma í veg fyrir fæðingu uppreisnarleiðtoga mannfólksins með því að myrða móður hans (Linda Hamilton) áður en hann fæðist. Hermaðurinn Kyle Reese (Michael Biehn) er síðan sendur til að verja hana. Snilldarmynd að mínu mati og stendur alltaf fyrir sínu. Að vísu soldið fyrirsjáanleg en það er bætt upp með myrku og drungalegu andrúmslofti og endi sem er bæði fullnægjandi og kraftmikill. Neggerinn á engan stórleik samt enda er hlutverkið ekki skrifað með mörgum samtölum en í framhaldsmyndunum tveimur var hann farinn að tjá sig meira. Biehn er hins vegar alveg svakalega skemmtilegur og jafnvel Hamilton sem ég hef yfirleitt ekki mikið álit á tekst að gera Sarah Connor bara þó nokkuð sjarmerandi. Sagan er vel skrifuð og myndin hefur staðist tímans tönn og elst bara þokkalega vel. The Terminator fær frá mér þrjár og hálfa stjörnu ásamt sterkum meðmælum. Þessi klassík er ómissandi. Sjáðu hana.
Fannst þér gagnrýnin hjálpleg?
Já Nei
