Wild Wild West (1999)

Þetta er ein versta mynd sem ég hef séð koma frá Hollywood og það er undarlegt miðað við hvaða hæfileikafólk stendur á bakvið hana að hún skuli vera þessi hryllingur. Þessi mynd er hreinlega kvöl og pina til áhorfunar og ætti með réttu að vera flokkuð sem pyntingartól.

Þetta hefur örugglega átt að vera algjör hitt mynd, en eitthvað mistókst því hún floppaði alveg í Bandaríkjunum. Will Smith er agalega þreyttur leikari svo ekki sé meira sagt, alltaf eins mynd eftir mynd. Kevin Kline er greinilega búinn að missa allan metnað út af því að lét hafa sig að leika í þessari þvælu. Myndin fær eina stjörnu fyrir tæknibrellur og alla umgjörð, sem er glæsileg. Með öðrum orðum þessi mynd eru vonbrigði...

Þetta er rusl og aftur rusl.Will Smith er náttúrúlega engin leikari hann er alltaf ömulegur. Hann er þó pínu skárri leikari en söngvari ef söngvari skyldi kalla. Hann er skömm fyrir allt sem heitir rapp. Ég er mest hissa á að Klænarinn skuli láta hafa sig út í þessa vitleysu, sá tekur niður fyrir sig. En það er ljóst að þetta er flopp árins punktur basta..

Ég varð fyrir mjög miklum vonbrigðum. Ég hef aldrei séð Will Smith leika í svona leiðinlegri kvikmynd. Vel gerð að mörgu leiti en síðan koma kaflar sem voru full gerfilegir. Ég mæli ekki með þessari mynd.

Ein almesta della sem ég hef á minni fulllöngu ævi séð. Þó leikararnir séu ekki af verri endanum og geri allir sem einn sitt besta er efniviðurinn sem þeir hafa í höndunum fúinn og lélegur. Einhvernveginn virðist vera fullkominn skortur á handriti og myndin leysist upp í bull hvað eftir annað. Og til að kóróna allt - svertingi á 19. öld, rífandi kjaft í New Orleans... hefði líklega ekki enst út mínútuna. Sleppið þessari endilega.

Djöfulsins kjaftæði var þessi mynd! Vá, ég hef sjaldan verið vitni að slíkri peningasóun! Maður sér peningana brenna á tjaldinu, peninga sem hefðu getað verið nýttir í svo margt annað. Af hverju var þessi mynd gerð? Handritið er svo ömurlegt að ég mun aldrei geta lýst því. Will Smith er svo ástfanginn af sjálfum sér að manni finnst skrítið að hann sé svona hrifinn af Sölmu Hayek í myndinni. En samband þeirra er svo illa skrifað og svo laust við neista að maður tekur varla eftir því. Salma Hayek er yfirleitt skemmtileg leikkona, en hún getur ekki bjargað ömurlega þunnri og illa skrifaðri persónu sinni frá þessari klisju. Kevin Kline er að leika í einvherri annari mynd, vegna þess að samleikur hans og Smith er svo ósannfærandi og hallærislegur að manni langar að æla. Kenneth Branagh kreystir það sem hægt er úr klisjunni sem kölluð er persónan hans. Hann leikur vonda kallinn sem er hálf tæknibrella. Branagh er svo ólíkur sjálfum sér í þessari mynd að maður er varla viss hvor helmingurinn er gerður í tölvu - það er erfitt að trúa því að meistarinn sem gerði Hamlet geti séð sér fært um að leika í slíkri hörmung. Sviðsmyndirnar og kvikmyndatakan (í höndum Bo Welch og Stefan Czapsky) eru til fyrirmyndar og eru það eina góða í þessari mynd, ásamt nokkrum verulega góðum brellum. En hvað voru þessir tveir meistarar að hugsa? ÞEIR UNNU HJÁ TIM BURTON! Þessi mynd er svo fyrirlitleg að ég gat ekki einu sinni horft á hana í heilu lagi, ég varð að klára hana daginn eftir, og ég vildi að ég hefði látið það ógert vegna þess að ég finn hvernig heimska þessarar myndar er að síast inn í mig. Ég verð heimskari með degi hverjum eftir að hafa séð þessa mynd. Ég hélt meira að segja áðan að Barry Sonnenfeld, sem gerði Addams Family og Men in Black, hefði gert þennan hundaskít í dulbúningi. Æi, já! Nú man ég! Hann gerði þessa mynd víst. Ó hvað ég er heimskur! Ef þið viljið finna fyrir því hvernig helvíti er í tvo klukkutíma, leigið þá þessa mynd. Hún mun örugglega fá ykkur til að íhuga sjálfsmorð alvarlega. Og svo skuluð þið framvegis kalla þessa mynd hennar rétta nafni: Wild Wild WORST. Vá hvað hún átti Razzies verðlaunin skilið! ÖLL FIMM!!!!! Takk Guð!

Ein stærsta sumarmyndin í ár gerist á tímum vilta vestursins og fjallar um það hvernig félagarnir Jim West (Will Smith) og Artemus Gordon (Kevin Kline) berjast við brjálaða vísindamanninn Arliss Loveless (Kenneth Branagh) til þess að hindra áform hans um að tortíma Bandaríkjastjórn og skipta landinu aftur upp á milli nýlenduveldanna. Eftir að hafa séð mikið af neikvæðri gagnrýni um myndina kom hún mér skemmtilega á óvart og reyndist vera ágætis skemmtun. Þetta er ekkert meistaraverk en samt hress blanda af gríni, spennu og vísindaskáldskap. Leikararnir eru frekar traustir og tekst að mestu leiti að halda myndinni ágætlega á floti. Það væri tímasóunn að spá í hversu óraunveruleg myndin er þar sem hún gerist greinilega ekki í sama heimi eðlisfræðilögmála og við búum í. Húmorinn er frekar brokkgengur, sumt er skondið en annað með ólíkindum hallærislegt eins og setningin "No more mister knife guy" sem Smith fer með eftir að hafa ráðið örlögum náunga sem hefur hnífa fyrir hendur. Í samanburði við þetta eru sambærilegar setningar Arnold Schwarzeneggers úr ýmsum myndum eins og eitthvað eftir Shakespeare. Tæknibrellurnar eru aftur á móti augnakonfekt og einstaklega vel úr garði gerðar. Í stuttu máli er þetta ágætis ævintýramynd fyrir þá sem eru að leita sér að léttri afþreyingu.